Share
પ્રાર્થનાનું મહત્વ BACK

ઈન્ડિયાની ટીમ ફાઈનલમાં જીતી જાય, પરીક્ષામાં સારા માર્કસ આવી જાય, મનગમતી ચીજવસ્તુ મેળવવા માટે, મિત્ર સાથેના ઝઘડાનો અંત લાવવા, ભૂલ કર્યા બાદ મમ્મી-પપ્પા કે શિક્ષકના ગુસ્સાથી બચવા માટે, તબિયત જલદી સારી થઈ જાય એ માટે. અરે, બહાર જવાનું હોય ત્યારે વરસાદ ન પડે એ માટે પણ!!!! ....મિત્રો મને ખાત્રી છે, આવી તો કેટલીય બાબતો માટે તમે નાનપણથી લઈને અત્યાર સુધીમાં ઘણી વખત પ્રાર્થનાનો સહારો લીધો હશે અથવા તો તમારા સ્વજનોને પ્રાર્થના કરતાં જોયા હશે. સાથે એવો પણ અનુભવ કર્યો જ હશે કે આપણી પ્રાર્થના રૂપી અરજી ભગવાને ક્યારેક સ્વીકારી હશે અને ક્યારેક નામંજૂર પણ કરી હશે અને આપણે તે માટે ભગવાનને પણ દોષિત ઠેરવી દેવામાં સંકોચ નહીં કર્યો હોય. પ્રાર્થના કરવી એ કંઈ ખોટી વસ્તુ નથી. બધા જ ધર્મો, જ્ઞાનીઓ અને મહાન પુરુષઓએ પ્રાર્થનાને મહત્ત્વ આપેલું છે. તમને જાણીને નવાઈ લાગશે પણ સાચી પ્રાર્થના ક્યારેય નકામી જતી નથી. પૌરાણિક કથાઓમાં પણ પ્રાર્થનાની શક્તિઓનો ઉલ્લેખ જોવા મળે છે. પણ મિત્રો, શું તમે પ્રાર્થના પાછળના વૈજ્ઞાનિક ફોડ સંબંધી ક્યારેય વિચાર્યું છે કે પ્રાર્થના કઈ રીતે કામ કરે છે? કોણ સાંભળે છે? ક્યારે, કોને અને કઈ રીતે કરવી જોઈએ? સાચી પ્રાર્થના કોને કહેવાય? અને શા હેતુ માટે કરવી જોઈએ?... મને તો આ પ્રશ્નોના જવાબ ખૂબ જ રસપ્રદ હોય એવું લાગે છે... વધારે સમય ન ગુમાવતાં.. ચાલો, અક્રમ યુથના આ અંકમાં ઉંડાણથી સમજીએ પ્રાર્થના વિષે... અને શીખીએ સાચી પ્રાર્થના કરતાં... - ડિમ્પલ મહેતા